Minnisbókin mín var að klárast. Að því tilefni fletti ég henni um daginn. Á einum stað hafði ég skrifað:
Hvernig fer maður illa með góð hnífapör?
Ég velti þessu aðeins fyrir mér, eins og ég man ég gerði þegar ég skrifaði þetta upphaflega, en ég komst ekki að neinni niðurstöðu.
Fer maður illa með góð hnífapör með því að borða vondan mat með þeim? Eða nota þau vitlaust? Borða subbulega? Sleikja hnífinn? Nota þau í eitthvað annað en að borða?
Einhvern vegin er spurningunni ekki fullsvarað. Vona að ég missi ekki mikið meiri svefn útaf þessu. Kannski var ekkert voða sniðugt að skrifa niður þessa spurningu til að byrja með. Þá væri ég líklega búin að gleyma henni núna og gæti eytt meiri tíma í að hafa áhyggur af mikilvægari spurningum. Eins og til dæmis þessari:
Hvað verður um línurnar sem maður strokar út í AutoCAD?
Minni á að BT-leikurinn er laus til afnota hverjum vill leika. Og nú: án endurgjalds. Sjá línur 4 til 8 hér.
Gerast áskrifandi að:
Birta ummæli (Atom)
Engin ummæli:
Skrifa ummæli